Bæjarráð - 3766

Lagður fram ársreikningur Akureyrarbæjar fyrir árið 2021.

Davíð Búi Halldórsson endurskoðandi frá Enor ehf. mætti á fund bæjarráðs undir þessum lið og skýrði ársreikninginn.

Dan Jens Brynjarsson sviðsstjóri fjársýslusviðs, Kristjana Hreiðarsdóttir aðalbókari, bæjarfulltrúarnir Andri Teitsson, Eva Hrund Einarsdóttir, Heimir Haraldsson, Þórhallur Jónsson og varabæjarfulltrúarnir Lára Halldóra Eiríksdóttir, Sunna Hlín Jóhannesdóttir og Þórhallur Harðarson sátu fund bæjarráðs undir þessum lið.

Bæjarráð vísar ársreikningi Akureyrarbæjar fyrir árið 2021 til fyrri umræðu í bæjarstjórn.

Fylgiskjöl

• Ársreikningur Akureyrarbæjar 2021 - fyrir fund í Bæjarráði 7. apríl 2022_m_aritun.pdf

Umfjöllun um tillögu að endurskoðuðum reglum Akureyrarbæjar um úthlutun lóða. Málið var áður á dagskrá bæjarráðs 17. mars sl.

Dan Jens Brynjarsson sviðsstjóri fjársýslusviðs, Inga Þöll Þórgnýsdóttir bæjarlögmaður, Pétur Ingi Haraldsson skipulagsfulltrúi og Þórhallur Jónsson formaður skipulagsráðs sátu fund bæjarráðs undir þessum lið.

Bæjarráð felur sviðsstjóra fjársýslusviðs, bæjarlögmanni og skipulagsfulltrúa að vinna áfram að endurskoðun á reglunum í samræmi við umræður á fundinum og leggja fyrir bæjarráð.

Lögð fram tillaga að endurskoðuðum reglum Akureyrarbæjar um stofnframlög til byggingar leiguíbúða. Málið var áður á dagskrá ráðsins 17. mars sl.

Dan Jens Brynjarsson sviðsstjóri fjársýslusviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Bæjarráð samþykkir að vísa reglunum til umræðu og afgreiðslu í bæjarstjórn.

Umfjöllun um tillögu að breyttu fyrirkomulagi atvinnuátaks fyrir 18-25 ára sumarið 2022. Málið var áður á dagskrá ráðsins 17. mars sl.

Halla Margrét Tryggvadóttir sviðsstjóri mannauðssviðs og Eva Hrund Einarsdóttir bæjarfulltrúi sátu fund bæjarráðs undir þessum lið.

Bæjarráð samþykkir framkomið fyrirkomulag um atvinnuátak fyrir 18-25 ára og felur sviðsstjóra mannauðssviðs að leggja fram viðauka vegna kostnaðarins þegar hann liggur fyrir. Jafnframt felur bæjarráð fræðslu- og lýðheilsusviði og mannauðssviði að gera tillögu að nýjum reglum fyrir árið 2023.

Kynnt tillaga að samkomulagi við Einingu-Iðju um fyrirkomulag vinnuskóla fyrir 17 ára ungmenni sumarið 2022.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir framlagða tillögu.

Kynnt tillaga að endurskoðun mannréttindastefnu Akureyrarbæjar. Málið var áður á dagskrá ráðsins 24. mars sl.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir endurskoðaða mannréttindastefnu Akureyrarbæjar með þeim breytingum sem gerðar voru á fundinum og vísar til umræðu og afgreiðslu í bæjarstjórn.

Umfjöllun um tillögu að jafnlaunastefnu Akureyrarbæjar. Málið var áður á dagskrá bæjarráðs 17. febrúar sl.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir jafnlaunastefnu Akureyrarbæjar og vísar til umræðu og afgreiðslu í bæjarstjórn.

Tilnefningar til jafnréttisviðurkenninga lagðar fram.

Halla Margrét Tryggvadóttir sviðsstjóri mannauðssviðs og Birna Eyjólfsdóttir forstöðumaður mannauðsmála sátu fund bæjarráð undir þessum lið.

Sóley Björk Stefánsdóttir V-lista og Ásthildur Sturludóttir bæjarstjóri báru upp vanhæfi við afgreiðslu málsins og var það samþykkt. Véku þær af fundi undir umræðum og við afgreiðslu máls.

Bæjarráð samþykkir framkomnar tillögur og tilkynnt verður um viðurkenningarhafa á Vorkomu Akureyrarbæjar á sumardaginn fyrsta.

Gunnar Gíslason D-lista vék af fundi kl. 10:48.

Erindi dagsett 28. mars 2022 frá Óskari Helga Þorleifssyni fyrir hönd stjórnar Römpum upp Ísland. Markmiðið með verkefninu er að auka aðgengi hreyfihamlaðra að þjónustu, verslun og veitingahúsum á Íslandi. Stofnunin styrkir einkaaðila til að koma upp römpum eða annars konar lausnum við innganga sína. Óskað er eftir samstarfi við sveitarfélög um verkefnið.

Bæjarráð tekur jákvætt í erindið og felur bæjarstjóra að afla nánari upplýsinga um verkefnið.

Fylgiskjöl

• Römpum upp Ísland bréf.pdf

Lögð fram til kynningar fundargerð 908. fundar stjórnar Sambands íslenskra sveitarfélaga dagsett 25. mars 2022.

Fylgiskjöl

• stjórn Sambands íslenskra sveitarfélaga - 908.pdf

Erindi dagsett 21. mars 2022 frá dómsmálaráðuneytinu þar sem kynnt er fyrirhuguð endurskipulagning sýslumannsembætta.

Fylgiskjöl

• Endurskipulagning sýslumannsembætta.pdf

Lögð fram til kynningar fundargerð 272. fundar stjórnar Norðurorku hf. dagsett 25. mars 2022.

Fylgiskjöl

• 272. fundur 25.03.2022.pdf

Lagt fram til kynningar erindi dagsett 30. mars 2022 frá umhverfis- og samgöngunefnd Alþingis þar sem óskað er umsagnar um frumvarp til laga um fjarskipti, 461. mál 2022.

Þess er óskað að undirrituð umsögn berist eigi síðar en 13. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/152/s/0666.pdf