Bæjarráð - 3874

Liður 5 í fundargerð velferðarráðs dagsettri 11. desember 2024:

Lögð fram tillaga velferðarsviðs um afskriftir lána í fjárhagsaðstoð.

Anna Marit Níelsdóttir þjónustustjóri og Halldóra K. Hauksdóttir forstöðumaður sátu fundinn undir þessum lið.

Velferðarráð samþykkir tillögu að afskriftum lána með þeim breytingum sem gerðar voru á fundinum og vísar málinu til bæjarráðs.

Bæjarráð samþykkir að afskrifuð verði lán vegna fjárhagsaðstoðar sem veitt voru 2015-2023 þar sem hefðbundnar innheimtuaðgerðir hafa verið reyndar án árangurs. Heildarfjárhæð er kr. 2.449.247.

Liður 15 í fundargerð skipulagsráðs dagsettri 11. desember 2024:

Skipulagsráð samþykkti deiliskipulagsbreytingu fyrir Hulduholt 31 í október sl. og var breytingin samþykkt í B-deild Stjórnartíðinda 25. október sl.

Lagðir eru fram útboðsskilmálar fyrir lóðirnar.

Skipulagsráð leggur til við bæjarráð að lóðirnar verði auglýstar með útboði til samræmis við fyrirliggjandi útboðsskilmála, þegar lóðirnar hafa verið stofnaðar í fasteignaskrá og mæliblað hefur verið uppfært.

Pétur Ingi Haraldsson skipulagsfulltrúi sat fund bæjarráðs undir þessum lið.

Bæjarráð samþykkir að lóðirnar verði auglýstar með útboði til samræmis við fyrirliggjandi útboðsskilmála þegar lóðirnar hafa verið stofnaðar í fasteignaskrá og mæliblað hefur verið uppfært. Miðað er við að lágmarksverð fyrir byggingarrétt sé fimm milljónir króna.

Fylgiskjöl

• 20241206_Holtahverfi-dsk - Hulduholt 31 - Uppdráttur.pdf

Lagður fram til samþykktar samningur Akureyrarbæjar við Skákfélag Akureyrar sem gildir frá 20. desember 2024 til 31. desember 2026.

Málið var á dagskrá fræðslu- og lýðheilsuráðs 11. desember sl. og var samningnum vísað til bæjarráðs.

Bæjarráð samþykkir framlagðan samning við Skákfélag Akureyrar og felur bæjarstjóra að undirrita hann.

Fylgiskjöl

• Samningur við Skákfélag Akureyrar 2024.pdf

Lögð fram tillaga að fundaáætlun bæjarráðs fyrir árið 2025.

Bæjarráð samþykkir fundaáætlun bæjarráðs fyrir árið 2025.

Lagt fram erindi dagsett 17. desember 2024 þar sem sýslumaðurinn á Norðurlandi eystra óskar umsagnar um umsókn um lengri afgreiðslutíma á Götubarnum aðfaranætur 23. desember og 27. desember.

Bæjarráð samþykkir að veita jákvæða umsögn til sýslumannsins á Norðurlandi eystra með vísan til 17. gr. laga nr. 85/2007 um veitingastaði, gististaði og skemmtanahald og B. kafla reglugerðar nr. 1277/2016 um veitingastaði, gististaði og skemmtanahald, vegna umsóknar Götubarsins ehf. um lengri afgreiðslutíma aðfaranætur 23. desember og 27. desember nk., til kl. 03.00. Ákvörðun þessi hefur jafnframt áhrif á aðra rekstraraðila veitingastaða í flokki III, ef óskað er lengri opnunartíma til sýslumanns, með vísan til jafnræðisreglu.

Fylgiskjöl

• umsagnarbeiðni tækifærisleyfi.pdf

Umhverfis-, orku- og loftslagsráðuneytið kynnir til samráðs mál nr. 229/2024 - Drög að flokkun tíu vindorkuverkefna.

Umsagnarfrestur er til og með 03.01.2025. Hægt er að senda inn umsögn í gegnum samráðsgáttina: https://island.is/samradsgatt/mal/3868.

Fylgiskjöl

• Boð um þátttöku í samráði: Drög að flokkun tíu vindorkuverkefna

Erindi dagsett 17. desember 2024 þar sem Albertína Friðbjörg Elíasdóttir framkvæmdastjóri Samtaka sveitarfélaga og atvinnuþróunar á Norðurlandi eystra boðar til rafræns aukaþings SSNE þriðjudaginn 7. janúar næstkomandi. Tilefni þingsins er samþykkt nýrrar Sóknaráætlunar Norðurlands eystra 2025-2029.

Fylgiskjöl

• BoðAukaþingSSNEjan25.pdf

Lagðar fram til kynningar fundargerðir 40. og 41. fundar öldungaráðs sem voru haldnir 23. október og 13. nóvember sl.

Fylgiskjöl

• Öldungaráð - 40.pdf
• Öldungaráð - 41.pdf

Lögð fram til kynningar fundargerð 239. fundar Heilbrigðisnefndar Norðurlands eystra sem var haldinn miðvikudaginn 5. desember sl.

Fylgiskjöl

• 239. fundargerð undirrituð.pdf

Lögð fram til kynningar fundargerð 293. fundar stjórnar Hafnasamlags Norðurlands sem haldinn var 11. desember 2024.

Fylgiskjöl

• 293 fundur 11.12.2024.pdf

Lögð fram til kynningar fundargerð 305. fundar stjórnar Norðurorku sem var haldinn 10. desember sl.

Fylgiskjöl

• Fundargerð 305. fundar.pdf

Lögð fram til kynningar fundargerð 959. fundar stjórnar Sambands íslenskra sveitarfélaga sem var haldinn 29. nóvember sl.

Fylgiskjöl

• stjórn Sambands íslenskra sveitarfélaga - 959.pdf