Bæjarráð - 3664

Kynnt skýrsla um Akureyrarflugvöll dagsett í nóvember 2019.

Sigmundur Ófeigsson framkvæmdastjóri Atvinnuþróunarfélags Eyjafjarðar (AFE) og Þorvaldur Lúðvík Sigurjónsson skýrsluhöfundur mættu á fund bæjarráðs undir þessum lið.

Bæjarráð þakkar fyrir góða skýrslu sem er mikilvægt gagn inn í umræðu um framtíð Akureyrarflugvallar. Athygli vekur að kostnaðartölur sem fram koma í þessari skýrslu eru mun lægri en verið hafa í umræðunni til þessa. Bæjarráð óskar eftir því að AFE hlutist til um að gerð verði úttekt á þjóðhagslegri hagkvæmni þess að opna aðra gátt inn í landið í samræmi við stjórnarsáttmála ríkisstjórnarinnar.

Fylgiskjöl

• BIAR_AFE_2019_final_51219.pdf

Unnið að gerð fjárhagsáætlunar.

Dan Jens Brynjarsson sviðsstjóri stjórnsýslusviðs sat fund bæjarráðs undir þessum lið.

Bréf dagsett 28. nóvember 2019 frá Eftirlitsnefnd með fjármálum sveitarfélaga þar sem óskað er nánari upplýsinga um fyrirætlan bæjaryfirvalda í rekstri A-hluta sveitarfélagsins. Óskað er eftir að svör berist nefndinni að lokinni umræðu í bæjarstjórn, eigi síðar en 15. janúar nk.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð felur bæjarstjóra og sviðsstjóra fjársýslusviðs að svara eftirlitsnefndinni.

Fylgiskjöl

• EFS bréf Akureyri nóv 2019.pdf

Liður 6 í fundargerð velferðarráðs dagsettri 20. nóvember 2019:

Guðrún Guðmundsdóttir settur sviðsstjóri búsetusviðs lagði fram minnisblað um kaup á íbúð í nálægð við þjónustukjarna í Hafnarstræti 28-30.

Karólína Gunnarsdóttir þjónustustjóri fjölskyldusviðs sat fundinn undir þessum lið.

Velferðarráð samþykkir tillögu um kaup á íbúð og vísar erindinu til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð felur sviðsstjóra fjársýslusviðs að vinna málið áfram.

Lögð fram fundargerð viðtalstíma bæjarfulltrúa dagsett 14. nóvember 2019.

Bæjarráð vísar lið 1 til fræðsluráðs og lið 3 til frístundaráðs. Liður 2 er lagður fram til kynningar.

Lögð fram fundargerð viðtalstíma bæjarfulltrúa dagsett 28. nóvember 2019.

Bæjarráð vísar lið 1 til samfélagssviðs, liðum 2 og 4 til umhverfis- og mannvirkjasviðs og lið 3 til skipulagssviðs. Liður 5 er lagður fram til kynningar.

Lögð fram fundargerð 34. fundar hverfisráðs Grímseyjar dagsett 27. nóvember 2019.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/grimsey/fundargerdir

Bæjarráð vísar fundargerðinni til umhverfis- og mannvirkjasviðs.

Lögð fram til kynningar fundargerð stjórnar Hafnasamlags Norðurlands bs. dagsett 27. nóvember 2019.

Fundargerðina er að finna á eftirfarandi slóð: https://www.port.is/isl/index.php?pid=167

Lagt fram til kynningar erindi dagsett 29. nóvember 2019 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á lögum um tekjustofna sveitarfélaga og sveitarstjórnarlögum (forsendur úthlutana úr Jöfnunarsjóði), 391. mál 2019.

Þess er óskað að undirrituð umsögn berist eigi síðar en 9. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0524.html