Fræðsluráð - 29

Niðurstöður úr ytra mati á starfi Lundarskóla lagðar fram til kynningar.

Skila þarf inn umbótaáætlun til Menntamálastofnunar fyrir 20. september 2020.

Fylgiskjöl

• Lokakynning Lundarskóli (004).pptx
• Sveitarstjórn_skilabréf _Lundarskóli.pdf
• Lundarskóli 7. apríl (1).pdf

Í ljósi tilmæla almannavarna um takmörkun á skólahaldi er ljóst að breyta þarf skóladagatölum leik- og grunnskóla nú á vordögum.

Ef þörf er fyrir tilfærslu á starfsdögum/skipulagsdögum leggur fræðsluráð áherslu á að það verði gert með formlegum hætti, í samráði við starfsfólk og með staðfestingu skólaráða í grunnskólum eða foreldraráða í leikskólum. Fræðsluráð heimilar ekki fjölgun starfsdaga frá því sem nú er á samþykktum skóladagatölum og beinir því til leik- og grunnskóla að færa til daga svo þeir nýtist skólastarfi á hverjum stað sem best.

Upplýsingar lagðar fram um stöðu skólahalds í leik- og grunnskólum og tónlistarskólanum.

Fræðsluráð vill ítreka þakkir sínar til starfsfólks í skólum bæjarins fyrir frábær störf í þeim aðstæðum sem nú eru uppi í samfélaginu. Staðan kallar óhjákvæmilega á aðra starfshætti en starfsfólk hefur sannarlega sýnt styrk, dugnað og útsjónarsemi með hagsmuni barna og ungmenna að leiðarljósi. Það hefur sýnt sig að vel hefur tekist til miðað við aðstæður og starfsfólk á heiðurinn af því.

Árlega veitir fræðsluráð viðurkenningar fyrir framúrskarandi störf í skólum Akureyrarbæjar. Vegna takmarkana á samkomuhaldi verður ekki hægt að hafa sama háttinn á og undanfarin ár.

Fræðsluráð felur sviðsstjóra fræðslusviðs að leita leiða til að hægt verði að afhenda viðurkenningar nú í maí fyrir framúrskarandi störf í skólum Akureyrarbæjar.

Meirihluti fræðsluráðs samþykkir að sumarlokanir leikskóla árið 2021 verði áfram með sama hætti og núgildandi fyrirkomulag kveður á um.

Þórhallur Harðarson D-lista og Rósa Njálsdóttir M-lista greiddu atkvæði gegn tillögunni.

Forstöðumaður rekstrar kynnti fjárhagsstöðu málaflokksins fyrstu þrjá mánuði ársins.