Velferðarráð - 1382

Niðurstöður þjónustukönnunar Gallup fyrir árið 2023 lagðar fram til kynningar. Sumarliði Helgason sviðsstjóri þjónustu- og skipulagssviðs sat fundinn undir þessum lið.

Velferðarráð telur mikilvægt að gerð verði ítarlegri könnun á þjónustu við eldri borgara og fatlað fólk. Velferðarráð felur sviðsstjóra að vinna málið áfram.

Lagt fram til kynningar yfirlit yfir rekstur velferðarsviðs eftir fyrsta mánuð ársins 2024. Kolbeinn Aðalsteinsson forstöðumaður sat fundinn undir þessum lið.

Lagt fram minnisblað dagsett 28. febrúar 2024 um stöðu í málefnum heimilislausra með fjölþættan vanda.

Bergdís Ösp Bjarkadóttir forstöðumaður sat fundinn undir þessum lið.

Lagt fram minnisblað dagsett 28. febrúar 2024 um þarfir Lautarinnar er varðar húsnæði. Ólafur Örn Torfason forstöðumaður sat fundinn undir þessum lið.

Velferðarráð óskar eftir því að starfsemi Lautarinnar verði fundið hentugra húsnæði þar sem núverandi húsnæði er of stórt og hentar ekki starfseminni. Velferðarráð vísar málinu til bæjarráðs.

Lögð fram til samþykktar drög að samningi við ríkið um samræmda móttöku flóttafólks.

Velferðarráð samþykkir samninginn fyrir sitt leyti og vísar honum til bæjarráðs.

Starfsendurhæfing Norðurlands óskar eftir tilnefningu frá Akureyrarbæ í stjórn félagsins.

Akureyrarbær tilnefnir Önnu Marit Níelsdóttur sem aðalfulltrúa og Karólínu Gunnarsdóttur sem varamann.