Fræðslu- og lýðheilsuráð - 43

Jón Benedikt Gíslason framkvæmdastjóri Skautafélags Akureyrar og Tryggvi Heimisson formaður Siglingaklúbbsins Nökkva tóku á móti fræðslu- og lýðheilsuráði og sögðu frá starfsemi félaganna og sýndu ráðinu viðkomandi mannvirki.



Áheyrnarfulltrúar: Helga Björg Ingvadóttir fulltrúi ÍBA og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð þakkar þeim Jóni og Tryggva fyrir kynninguna.

Erindi dagsett 28. nóvember 2023 frá Geir Kr. Aðalsteinssyni formanni ÍBA varðandi aðstöðuleysi Karatefélags Akureyrar sem mun missa aðstöðu sína í lok þessa árs.



Áheyrnarfulltrúar: Helga Björg Ingvadóttir fulltrúi ÍBA og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð felur forstöðumanni íþróttamála að vinna málið áfram.

Tekið fyrir að nýju erindi dagsett 18. september 2023 frá stjórn Lyftingadeilar KA þar sem óskað er eftir styrk til kaupa á búnaði og styrk vegna leigu á aðstöðu fyrir deildina. Erindið var fyrst á dagskrá ráðsins 9. október sl. þar sem erindinu var frestað og óskað eftir frekari upplýsingum um málið. Frekari gögn hafa nú borist.



Áheyrnarfulltrúar: Helga Björg Ingvadóttir fulltrúi ÍBA og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð samþykkir að veita Lyftingardeild KA styrk að upphæð 300 þúsund krónur til kaupa á keppnisbúnaði vegna mótahalds.

Mál frá 42. fundi fræðslu- og lýðheilsuráðs. Fræðslu- og lýðheilsuráð fól sviðsstjóra að gera drög að erindisbréfi vinnuhóps vegna framtíðaruppbyggingar og skipulags á félagssvæði Þórs og kynna fyrir ráðinu á næsta fundi. Lögð fram drög að erindisbréfi starfshópsins.



Áheyrnarfulltrúar: Helga Björg Ingvadóttir fulltrúi ÍBA og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð samþykkir erindisbréf vinnuhópsins.

Árni K. Bjarnason rekstrarstjóri gerði grein fyrir rekstrarstöðu fræðslu- og lýðheilsusviðs á tímabilinu janúar til október 2023.

Elín H. Gísladóttir forstöðumaður Sundlauga Akureyrar sat fundinn undir þessum lið.



Áheyrnarfulltrúi: Telma Ósk Þórhallsdóttir fulltrúi ungmennaráðs.

Lagt fram barnvænt hagsmunamat fundarins.



Áheyrnarfulltrúi: Telma Ósk Þórhallsdóttir fulltrúi ungmennaráðs.