Bæjarráð - 3635

Síðari umræða um ársreikning Akureyrarbæjar fyrir árið 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með 5 samhljóða atkvæðum að vísa ársreikningi Akureyrarbæjar fyrir árið 2018 til síðari umræðu í bæjarstjórn.

Fylgiskjöl

• Akureyrarbær samstæða 2018 samþykkt í bæjarráði.pdf

Lagður fram viðauki 2.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka að upphæð 32,2 milljónir króna með 5 samhljóða atkvæðum og vísar honum til staðfestingar í bæjarstjórn.

Liður 1 í fundargerð velferðarráðs dagsettri 3. apríl 2019:

Lögð fram drög að endurskoðuðum reglum um félagslegt leiguhúsnæði Akureyrarbæjar. Málið var áður á dagskrá á fundi velferðarráðs 20. mars.

Halldóra Hauksdóttir lögfræðingur fjölskyldusviðs og Magnús Valur Axelsson húsnæðisfulltrúi fjölskyldusviðs sátu fundinn undir þessum lið.

Velferðarráð samþykkir reglur um félagslegt leiguhúsnæði Akureyrarbæjar og vísar málinu til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Afgreiðslu frestað.

Liður 4 í fundargerð umhverfis- og mannvirkjaráðs dagsettri 1. apríl 2019:

Lagt fram minnisblað dagsett 26. mars 2019 varðandi kaup á körfubíl og kaupin kynnt.

Rut Jónsdóttir forstöðumaður umhverfis- og sorpmála og Ólafur Stefánsson slökkviliðsstjóri sátu fundinn undir þessum lið.

Umhverfis- og mannvirkjaráð samþykkir að vísa erindinu til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með 5 samhljóða atkvæðum að fela umhverfis- og mannvirkjaráði að vinna málið áfram samkvæmt minnisblaði og vísar málinu að öðru leyti til gerðar fjárhagsáætlunar fyrir árið 2020.

Lagður fram undirritaður rekstrarsamningur Akureyrarbæjar og Íþróttafélagsins Þórs fyrir tímabilið 2019-2023.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð staðfestir rekstrarsamning við Íþróttafélagið Þór með 5 samhljóða atkvæðum.

Fylgiskjöl

• Rekstrarsamningur Akureyrarbæjar og Íþróttafélagsins Þórs 2019-2023.pdf

Lagðir fram til samþykktar undirritaðir þjónustusamningar við fimm aðildarfélög ÍBA um faglegt starf árin 2019-2023. Félögin eru Fimleikafélag Akureyrar, Hestamannafélagið Léttir, Íþróttafélagið Þór, Knattspyrnufélag Akureyrar og Skautafélag Akureyrar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð staðfestir þjónustusamningana með 5 samhljóða atkvæðum.

Fylgiskjöl

• þjónustusamningur Akureyrarbæjar og Fimleikafélags Akureyrar (FIMAK) 2019-2023.pdf
• þjónustusamningur Akureyrarbæjar og Hestamannafélagsins Léttis 2019-2023.pdf
• þjónustusamningur Akureyrarbæjar og Íþróttafélagsins Þórs 2019-2023.pdf
• þjónustusamningur Akureyrarbæjar og Knattspyrnufélags Akureyrar (KA) 2019-2023.pdf
• þjónustusamningur Akureyrarbæjar og Skautafélags Akureyrar (SA) 2019-2023.pdf

Liður 6 í fundargerð umhverfis- og mannvirkjaráðs dagsettri 1. apríl 2019:

Lögð fyrir drög að samkomulagi við Vistorku.

Rut Jónsdóttir forstöðumaður umhverfis- og sorpmála og Tómas Björn Hauksson forstöðumaður nýframkvæmda sátu fundinn undir þessum lið.

Umhverfis- og mannvirkjaráð samþykkir fyrirliggjandi samning við Vistorku og óskar eftir viðauka upp á 5 milljónir kr. vegna hans.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir beiðni umhverfis- og mannvirkjaráðs og felur sviðsstjóra fjársýslusviðs að útbúa viðauka vegna málsins.

Lagt fram til kynningar bréf dagsett 4. apríl 2019 frá Samtökum sjávarútvegsfyrirtækja þar sem tilkynnt er að umsókn Akureyrarbæjar um aðild að samtökunum hafi verið samþykkt.

Fylgiskjöl

• Aðildarumsókn Akureyrarbær 040402019.pdf

Lögð fram fundargerð 74. fundar hverfisnefndar Oddeyrar dagsett 25. mars 2019.

Fundargerðina má finna á vefslóðinni: https://www.akureyri.is/is/stjornkerfi/stjornsysla/hverfisnefndir/oddeyri/fundargerdir

Bæjarráð vísar fundargerðinni til umhverfis- og mannvirkjaráðs.

Eva Hrund Einarsdóttir D-lista vék af fundi kl. 09:00

Lögð fram fundargerð viðtalstíma bæjarfulltrúa dagsett 28. mars 2019.

Bæjarráð vísar liðum 1 og 2 til skipulagsráðs, lið 3 og 4 til umhverfis- og mannvirkjaráðs, liðum 5, 6, 7 og 10 til umhverfis- og mannvirkjasviðs, lið 8 til frístundaráðs og lið 9 til skipulagssviðs.

Erindi dagsett 5. apríl 2019 þar sem boðað er til aðalfundar Norðurslóðanets Íslands mánudaginn 15. apríl nk. kl. 14:00-15:00 á Borgum, Norðurslóð.

Bæjarráð felur bæjarstjóra að fara með umboð Akureyrarbæjar á fundinum.

Fylgiskjöl

• FW: Aðalfundur Norðurslóðanets Ísland 2019

Lagt fram til kynningar erindi dagsett 4. apríl 2019 frá atvinnuveganefnd Alþingis þar sem óskað er umsagnar um frumvarp til laga um dýrasjúkdóma o.fl. (innflutningur búfjárafurða), 766. mál 2019.

Þess er óskað að undirrituð umsögn berist eigi síðar en 30. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/1217.html