Bæjarráð - 3562

Umræður um málefni norðurslóða.

Lagt fram til kynningar erindi dagsett 4. júlí 2017 frá Háskólanum í Lapplandi þar sem bæjarstjóra er boðið á námskeiðið EU-European Arctic Dialogue Seminar sem fer fram í Brussel 21. nóvember næstkomandi.

Lagt fram til kynningar erindi dagsett 29. júní 2017 frá bæjarstjóra Rovaniemi í Finnlandi þar sem bæjarstjóra Akureyrar er boðið á ráðstefnuna Rovaniemi Artic Spirit conference, sem fer fram 16.-17. nóvember næstkomandi.

Lagt fram til kynningar bréf dags. 19. júlí 2017 frá Atvinnuþróunarfélagi Eyjafjarðar þar sem tilkynnt er að fyrsta áfanga verkefnisins við útvistun Hlíðarfjalls sé lokið. Það er mat Atvinnuþróunarfélagsins að ganga til samninga við hóp sem kallar sig Hlíðarfjall alla leið.

Sigmundur Einar Ófeigsson, framkvæmdastjóri AFE sat fundinn undir þessum lið.

Bæjarráð felur Atvinnuþróunarfélaginu að ganga til samstarfs við hópinn Hlíðarfjall alla leið um stofnun undirbúningsfélags sem mun vinna að undirbúningi og kostnaðargreiningu verkefnisins.

Rætt um öryggismyndavélar á Akureyri.

Bæjarráð tekur jákvætt í að fjölga öryggismyndavélum í bænum og felur bæjarstjóra að ræða við lögreglustjóra og Neyðarlínuna um framhaldið.

Lagt fram erindi dagsett 7. júlí 2017 frá formanni stjórnar Hvítasunnukirkjunnar á Akureyri varðandi uppgjör á orlofsréttindum starfsmanna Hlíðarbóls við lokun leikskólans.

Bæjarráð felur Dan Jens Brynjarssyni, sviðsstjóra fjársýslusviðs og Árna Konráði Bjarnasyni, rekstrarstjóra fræðslusviðs að ræða við bréfritara og afla frekari gagna.

Lagt fram erindi dagsett 5. júlí 2017 frá framkvæmdastjóra Fimleikafélags Akureyrar.

Bæjarráð felur Dan Jens Brynjarssyni, sviðsstjóra fjársýslusviðs og Ellerti Erni Erlingssyni, deildarstjóra íþróttamála að ræða við framkvæmdastjóra Fimleikafélagsins.

Dan Jens Brynjarsson, sviðsstjóri fjársýslusviðs vék af fundi kl. 11:20.

Lagðar fram endurskoðaðar samþykktir fyrir velferðarráð, umhverfis- og mannvirkjaráð, stjórn Akureyrarstofu, skipulagsráð, fræðsluráð og frístundaráð.

Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 7. lið fundargerðar bæjarstjórnar 6. júní 2017.



Bæjarráð samþykkir framlagðar samþykktir.

Bæjarstjóri fór yfir stöðu stjórnsýslubreytinga.