Sumarsólstöðuhátíðin

Grímseyingar halda árlega bæjarhátíð í tilefni af sumarsólstöðunum, venjulega helgina næst sólstöðunum sem falla á 20.–22. júní ár hvert.
Hátíðin 2025 verður helgina 20. - 22. júní.

Á hátíðinni er gestum boðið að taka þátt í fjölbreyttum viðburðum og afþreyingu, þannig að allir ættu að finna eitthvað við sitt hæfi. Hátíðin hefst yfirleitt á fimmtudegi og lýkur á sunnudegi.

Dagskráin inniheldur meðal annars:

• Tónleika
• Dorgveiðikeppni
• Kvöldsiglingu í kringum Grímsey
• Göngu á heimskautsbaug
• Fjölskylduratleik
• Dansleik
• Varðeld og söng

Flestir viðburðir eru gjaldfrjálsir, fyrir utan aðgang á dansleik og veitingastaði.

Samgöngur:
Ferjan Sæfari siglir á milli Dalvíkur og Grímseyjar fimm daga vikunnar. Norlandair flýgur milli Akureyrar og Grímseyjar á þriðjudögum og sunnudögum, og oft er í boði aukaflug vegna hátíðarinnar.