Ungmennaráð - 60

Rætt var um fyrirhugaðan bæjarstjórnarfund unga fólksins sem fer fram í vor.

Á fundinum var ákveðið að Íris Ósk verði fundarstjóri og klárað að fara yfir þau mál sem lögð verða fram á fundinum.

Óskað var eftir að fulltrúar ungmennaráðs mæti á næsta fund stýrihóps Barnvænts sveitarfélags þann 13. mars og kynni niðurstöðurnar af Stórþingingu.

Leyla Ósk Jónsdóttir og Lilja Dögun Lúðvíksdóttir munu fara fyrir hönd ráðsins að kynna.

Rætt var um Sumartóna 2025.

Ákveðið var að hafa samband við VÆB.

Rætt var um hvernig ungmennaráð ætlar að nýta samfélagsmiðla til að koma upplýsingum um sig á framfæri. Einnig var búið til teymi sem mun halda utan um efni sem fer á miðilinn.

París, Bjarki, Aldís, Íris og Leyla verða með Instagram aðganginn og sjá um að setja á samfélagsmiðlana.

Ungmenaráð fékk sent til sín niðurstöður varðandi minnisblað um mötuneyti í leik- og grunnskólum. Rætt var um mat í mötuneytum og matvælaöryggi.

Helga Vilhjálmsdóttir forstöðumaður skólaþjónustu kynnti stöðu mála í samþættingu í þágu farsældar barna.



Erindið áframsent frá fræðslu- og lýðheilsuráði til kynningar í ungmennaráði.

Tillögur ungmennaráðs: Kynna þjónustugáttina með veggspjöldum í skólum til að nemendur gætu séð að það er hægt að leita að hjálp í gegnum gáttina. Starfsfólk í skólum ætti að kynna fyrir bekkjunum/stigunum og foreldrum, því veggspjöld eru stundum ekki nóg. Þarf samt grípandi veggspjöld. Langbest að kynna veggspjöld í stofum þannig að nemendur viti af því.

Erna Rós Ingvarsdóttir verkefnastjóri leikskóla kynnti teikningar af nýjum leikskóla í Hagahverfi fyrir fræðslu og lýðheilsuráði.

Málið var áframsent til ungmennaráðs til kynningar.

Ungmennaráð lýsir yfir mikilli óánægju á grundvelli þess að ekki var tekið mark á áliti ráðsins gagnvart lóð, staðsetningu og teikningu Hagaleikskóla.