Málsnúmer 2023020043

Lagt fram minnisblað dagsett 10. apríl 2025 vegna opnunar tilboða í lýsingu í Boganum. Sjö tilboð bárust frá fimm aðilum.

Elmar Arnarson rafiðnfræðingur frá Raftákni sat fundinn undir þessum lið.

Umhverfis- og mannvirkjaráð samþykkir að ganga til samninga á grundvelli fyrirliggjandi tilboðs frá Rönning - tilboð eitt (THORN LIGHTNING) og felur sviðsstjóra umhverfis- og mannvirkjasviðs að ganga frá samningi.

Liður 9 í fundargerð umhverfis- og mannvirkjaráðs dagsettri 3. desember 2024:

Lögð fram minnisblöð varðandi ástand og endurnýjun á lýsingu í Boganum.

Umhverfis- og mannvirkjaráð samþykkir að fara í endurnýjun á lýsingu í Boganum og að ljósin verði keypt á árinu 2025. Heildarkostnaður við verkið er áætlaður um kr. 60 milljónir. Umhverfis- og mannvirkjaráð óskar eftir því við bæjarráð að upphæðin verði sett á fjárfestingaráætlun ársins 2025.

Dan Jens Brynjarsson sviðsstjóri fjársýslusviðs, Guðríður Friðriksdóttir sviðsstjóri umhverfis- og mannvirkjasviðs og Ellert Örn Erlingsson forstöðumaður íþróttamála sátu fund bæjarráðs undir þessum lið.

Bæjarráð samþykkir að farið verði í útboð á lýsingu í Boganum og felur sviðsstjóra umhverfis- og mannvirkjasviðs að vinna málið áfram og skoða hvort verkefnið rúmist innan samþykktrar fjárfestingaáætlunar 2025.

Lögð fram minnisblöð varðandi ástand og endurnýjun á lýsingu í Boganum.

Umhverfis- og mannvirkjaráð samþykkir að fara í endurnýjun á lýsingu í Boganum og að ljósin verði keypt á árinu 2025. Heildarkostnaður við verkið er áætlaður um kr. 60 milljónir.

Umhverfis- og mannvirkjaráð óskar eftir því við bæjarráð að upphæðin verði sett á fjárfestingaráætlun ársins 2025.

Lagt fram minnisblað dagsett 11. október 2024 varðandi endurnýjun á lýsingu í Boganum vegna skorts á varahlutum í núverandi lýsingu og hærri viðhaldskostnaðar.

Umhverfis- og mannvirkjaráð frestar afgreiðslu.

Lagt fram minnisblað dagsett 3. mars 2023 varðandi endurnýjun á lýsingu í Boganum.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð leggur áherslu á að endurnýjun á lýsingu í Boganum fari inn á framkvæmdaáætlun fyrir árið 2024.

Lagt fram minnisblað dagsett 3. febrúar 2023 varðandi endurnýjun á lýsingu í Boganum.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð óskar eftir umsögn fræðslu- og lýðheilsuráðs um endurnýjun ljósa í Boganum sem er áætlað að kosti 57 milljónir.