Bæjarráð - 3887

Lagður fram ársreikningur Akureyrarbæjar fyrir árið 2024.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið. Þá sat Þorsteinn Þorsteinsson endurskoðandi hjá KPMG fundinn undir þessum lið.

Bæjarfulltrúinn Halla Björk Reynisdóttir sat fundinn undir þessum dagskrárlið í gegnum fjarfundarbúnað.

Bæjarráð vísar ársreikningi Akureyrarbæjar fyrir árið 2024 til fyrri umræðu í bæjarstjórn.

Fylgiskjöl

• Ársreikningur Akureyrarbæjar 2024 - til bæjarráðs 10. apríl 2025.pdf

Lagt fram að nýju samkomulag við félags- og húsnæðismálaráðuneytið um breytt fyrirkomulag vegna byggingar hjúkrunarheimilis á Akureyri fyrir allt að 80 rými. Málið var áður á dagskrá bæjarráðs 21. nóvember 2024.

Dan Jens Brynjarsson sviðsstjóri fjársýslusviðs, Inga Þöll Þórgnýsdóttir bæjarlögmaður og Pétur Ingi Haraldsson sviðsstjóri skipulagssviðs sátu fund bæjarráðs undir þessum lið.

Bæjarráð samþykkir framlagt samkomulag um breytt fyrirkomulag vegna byggingar hjúkrunarheimilis á Akureyri og felur bæjarstjóra að undirrita samkomulagið.

Liður 19 í fundargerð skipulagsráðs dagsettri 9. apríl 2025:

Lagðir fram uppfærðir útboðsskilmálar fyrir lóðir í 2. áfanga Móahverfis. Um er að ræða skilmálar fyrir 20 einbýlishúsalóðir sem ekki fóru út í síðasta útboði. Hafa skilmálar verið uppfærðir til samræmis við breytingu á gjaldskrá gatnagerðar- og byggingarréttargjalda sem tók gildi 10. febrúar 2025.

Skipulagsráð leggur til við bæjarráð að lóðir í 2. áfanga Móahverfis sem ekki hafa gengið út verði auglýstar að nýju til samræmis við fyrirliggjandi útboðsskilmála.

Pétur Ingi Haraldsson sviðsstjóri skipulagssviðs sat fund bæjarráðs undir þessum lið.

Bæjarráð samþykkir að lóðir í 2. áfanga Móahverfis sem ekki hafa gengið út verði auglýstar að nýju til samræmis við fyrirliggjandi útboðsskilmála.

Fylgiskjöl

• Móahverfi_2afangi_úthlutunarskilmálar_april2025.pdf

Farið verður yfir tilnefningar til mannréttindaviðurkenningar Akureyrarbæjar 2025.

Birna Eyjólfsdóttir forstöðumaður mannauðsmála og Halla Margrét Tryggvadóttir sviðsstjóri mannauðssvið sátu fund bæjarráðs undir þessum lið.

Bæjarráð fór yfr framlagðar tilnefningar og ákvað hverjir hljóti mannréttindaviðurkenningu Akureyrarbæjar 2025 og felur formanni bæjarráðs að sjá um afhendingu viðurkenninganna á Vorkomu Akureyrarbæjar á sumardaginn fyrsta.

Kynnt tillaga að samkomulagi við Einingu-Iðju um fyrirkomulag vinnuskóla fyrir 17 ára ungmenni sumarið 2025.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir framlagða tillögu að samkomulagi við Einingu-Iðju.

Fylgiskjöl

• Samkomulag við Einingu-Iðju um 17 ára í vinnuskóla 2025 lokaskjal bæjarráðs 10 apríl 2025docx

Erindi dagsett 13. mars 2025 frá Valgeiri Magnússyni framkvæmdastjóra f.h. stjórnar SÍMEY þar sem óskað er eftir að Akureyrarbær tilnefni aðal- og varamann, karl og konu, í stjórn SÍMEY til næstu tveggja ára. Jafnframt er boðað til ársfundar fimmtudaginn 22. maí kl. 13:00.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð tilnefnir Höllu Margréti Tryggvadóttur sem aðalmann í stjórn SÍMEY og Hlyn Má Erlingsson til vara. Bæjarráð felur Höllu Margréti Tryggvadóttur að fara með umboð Akureyrarbæjar á ársfundinum.

Fylgiskjöl

• Kjörbréf 2025.pdf

Kynning á nýgerðum kjarasamningi Landssambands slökkviliðs- og sjúkraflutningamanna við Samband íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að gerður verði viðauki vegna málsins og felur sviðsstjórum mannauðssviðs og fjársýslusviðs að vinna viðaukann og leggja fyrir bæjarráð.

Fylgiskjöl

• Kynning_kjarasamningur_LSS_mars 2025.pdf
• LSS_Kjarasamningur_2024-2028_24.03.2025_LOK.pdf
• 119. fundur LSS og SNS 5. febrúar 2025_LOK.pdf

Kynnt breyting á kjarasamningi Sambands íslenskra sveitarfélaga við Félag hljómlistarmanna.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að gerður verði viðauki vegna málsins og felur sviðsstjórum mannauðssviðs og fjársýslusviðs að vinna viðaukann og leggja fyrir bæjarráð.

Fylgiskjöl

• 84.fundur_FÍHogSNS_samstarfsnefnd_25.mars2025_LOK (1).pdf

Lagður fram til samþykktar samningur um fjögurra ára framlengingu á leigu Sigurhæða til félagsins Flóru menningarhúss ehf. Flóra hefur haft húsið til afnota samkvæmt samningi síðustu fjögur ár en samkvæmt honum er heimilt að framlengja húsaleiguna um fjögur ár til viðbótar. Jafnframt er tekinn fyrir samningur um sérstakan stuðning við starfsemi í húsinu árið 2025.

Sumarliði Helgason sviðsstjóri þjónustu- og menningarsviðs sat fund bæjarráðs undir þessum lið og Þórgnýr Dýrfjörð forstöðumaður atvinnu- og menningarmála sat fundinn í gegnum fjarfundarbúnað.

Bæjarráð samþykkir samning um fjögurra ára framlengingu á leigu Sigurhæða til Flóru menningarhúss ehf. Jafnframt samþykkir bæjarráð 2ja milljón króna sérstakan stuðning við starfsemi í húsinu á árinu 2025.

Fylgiskjöl

• Sigurhæðir-leigusamningur - drög april 2025.pdf

Lagður fram til samþykktar samningur um tveggja ára framlengingu á leigu Laxdalshúss til Majó ehf. sem haft hefur húsið til afnota síðustu fjögur ár. Samkvæmt viðmiðunarreglum um afnot af Laxdalshúsi, Friðbjarnarhúsi og Gudmands Minde eru húsin leigð út til fjögurra ára í senn og að þeim tíma liðnum er heimilt að framlengja samninga um tvisvar sinnum tvö ár. Hámarks leigutími er þannig átta ár.

Sumarliði Helgason sviðsstjóri þjónustu- og menningarsviðs sat fund bæjarráðs undir þessum lið og Þórgnýr Dýrfjörð forstöðumaður atvinnu- og menningarmála sat fundinn í gegnum fjarfundarbúnað.

Bæjarráð samþykkir samning um tveggja ára framlengingu á leigu Laxdalshúss til Majó ehf.

Fylgiskjöl

• Laxdalshús-Leigusamningur - 2025-2027 - drög mars.pdf

Rætt um mögulegar heiðursviðurkenningar Menningarsjóðs en þær eru veittar einstaklingum sem þykja hafa lagt mikið til menningar- og félagsmála í bænum. Tilkynnt er um viðurkenningarnar á Vorkomu Akureyrarbæjar á sumardaginn fyrsta.

Sumarliði Helgason sviðsstjóri þjónustu- og menningarsviðs sat fund bæjarráðs undir þessum lið og Þórgnýr Dýrfjörð forstöðumaður atvinnu- og menningarmála sat fundinn í gegnum fjarfundarbúnað.

Bæjarráð samþykkir framlagðar tillögur að heiðursviðurkenningum en tilkynnt verður um valið á Vorkomu Akureyrarbæjar á sumardaginn fyrsta.

Sumarliði Helgason sviðsstjóri þjónustu- og menningarsviðs kynnti nýja Evróputilskipun NIS2 um net- og upplýsingaöryggi.

Bæjarráð felur sviðsstjóra þjónustu- og menningarsviðs að kortleggja betur stöðu bæjarins gagnvart tilskipuninni og eftir atvikum leggja fyrir bæjarráð tillögur að aðgerðum í net- og upplýsingaöryggismálum.

Lagt fram erindi frá Norðurþingi dagsett 2. apríl 2025 þar sem leitað er eftir samstarfi sveitarfélaga á starfssvæði SSNE um stofnun og rekstur náttúruverndarnefndar.

Bæjarráð felur bæjarstjóra að óska eftir frekari upplýsingum um málið.

Fylgiskjöl

• Erindisbréf Náttúruverndarnefndar Þingeyinga_samþykkt_08._11._2018.pdf

Erindi dagsett 2. apríl 2025 frá Sveinbjörgu Sveinsdóttur framkvæmdastjóra f.h. stjórnar Landskerfis bókasafna hf. þar sem boðað er til aðalfundar félagsins þriðjudaginn 6. maí nk. kl. 14:00 í húsakynnum félagsins að Katrínartúni 4 í Reykjavík.

Bæjarráð felur Kristjönu Hreiðarsdóttur aðalbókara hjá Akureyrarbæ að fara með umboð bæjarins á fundinum.

Fylgiskjöl

• Landskerfi bókasafna - aðalfundarboð 2025.pdf

Erindi dagsett 2. apríl 2025 frá Önnu Sigurðardóttur framkvæmdastjóra f.h. Eignarhaldsfélagsins Brunabótafélag Íslands (EBÍ) varðandi umsóknir í styrktarsjóð EBÍ 2025.

Aðildarsveitarfélag sendir aðeins inn eina umsókn og skulu umsóknir vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra. Vakin er athygli á því að í reglum úthlutunarsjóðs er kveðið á um að sveitarfélag geti að öllu jöfnu ekki fengið úthlutað styrk tvö ár í röð. Umsóknarfrestur er til aprílloka.

Bæjarráð hvetur ráð og svið bæjarins til að skoða verkefni sem falla undir reglur sjóðsins og senda tillögur til bæjarstjóra fyrir 25. apríl nk.

Fylgiskjöl

• Bréf-Styrktarsjóður EBÍ-2025.pdf

Lagt fram erindi dagsett 2. apríl 2025 frá Önnu Sigurðardóttur framkvæmdastjóra til aðildarsveitarfélaga Eignarhaldsfélagsins Brunabótafélag Íslands (EBÍ). Í erindinu er upplýst um að á aukafundi fulltrúaráðs þann 19. mars sl. voru samþykktar nýjar samþykktir fyrir EBÍ.

Aðal breytingin sem lýtur að aðildarsveitarfélögum EBÍ er að nú eiga öll aðildarsveitarfélög að kjósa í fulltrúaráð félagsins að loknum sveitarstjórnarkosningum. Áður voru þetta bæir og héraðsnefndir.

Fylgiskjöl

• Bréf-2025-Aðildarsveitarfélög-nýjar samþykktir.pdf

Lögð fram til kynningar fundargerð aukafundar fulltrúaráðs Eignarhaldsfélagsins Brunabótafélag Íslands sem haldinn var 19. mars sl.

Fylgiskjöl

• Fundargerð-fulltruaradsfundar-19032025-loka.pdf

Lögð fram til kynningar fundargerð 45. fundar öldungaráðs sem haldinn var 25. mars 2025.

Fylgiskjöl

• Öldungaráð - 45.pdf

Lögð fram til kynningar fundargerð 308. stjórnarfundar Norðurorku hf. sem fram fór 25. mars 2025.

Fylgiskjöl

• Fundargerð 308. fundar stjórnar Norðurorku.pdf

Atvinnuvegaráðuneyti kynnir til samráðs drög að frumvarpi til laga um breytingu á lögum um veiðigjald, nr. 145/2018. Frestur til að skila inn umsögn um frumvarpið rann út 3. apríl sl.

Bæjarráð gerir athugasemd við hversu skammur tími er gefinn til athugasemda og umsagna um fyrirhugaðar breytingar. Mikilvægt er að horft verði sérstaklega til áhrifa frumvarpsins á sveitarfélög landsins og að sveitarstjórnarfólki sé veitt nægt svigrúm til að koma sjónarmiðum sínum á framfæri.

Lagt fram til kynningar erindi dagsett 27. mars 2025 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um fasta starfsstöð þyrlu Landhelgisgæslunnar á Akureyri, 41. mál 2025.

Þess er óskað að undirrituð umsögn berist í gegnum umsagnagátt Alþingis: umsagnir.althingi.is. eigi síðar en 10. apríl nk.

Þingskjalið er hægt að sækja á vef Alþingis: https://www.althingi.is/thingstorf/thingmalalistar-eftir-thingum/ferill/156/41/?ltg=156&mnr=41

Bæjarráð Akureyrar telur afar brýnt að mál þetta nái fram að ganga. Hagsmunir bráðveikra eru í húfi, einnig fólks í lífsháska, á láði sem legi. Ört vaxandi athafnasemi á hafsvæðinu norður af Íslandi mun væntanlega knýja Landhelgisgæsluna - og það fyrr en síðar - til að sinna þessu mikilvæga hafflæmi sem aldrei fyrr. Þyrla á Akureyri gæti gegnt þar lykilhlutverki, bæði hvað varðar viðbragð og eftirlit.

Lagt fram til kynningar erindi dagsett 3. apríl 2025 frá umhverfis- og samgöngunefnd Alþingis þar sem óskað er umsagnar um frumvarp til laga um Verndar- og orkunýtingaráætlun (bætt málsmeðferð og aukin skilvirkni), 268. mál 2025.

Þess er óskað að undirrituð umsögn berist eigi síðar en 23.apríl í gegnum umsagnagátt Alþingis: umsagnir.althingi.is.

Þingskjalið er hægt að sækja á vef Alþingis: https://www.althingi.is/thingstorf/thingmalalistar-eftir-thingum/ferill/156/268/?ltg=156&mnr=268